Amakuru ya Transfer avugwa muri Liverpool: ibigezweho kuri Mane na Salah, n’undi mukinnyi iri guhatanira na Tottenham, Chelsea na Leicester City

Amakuru ya transfers agezweho mu ikipe ya Liverpool mugihe umutoza wayo Jurgen Klopp asa n’uwigiye amasomo menshi ku gutsindwa na Man City, kugirango azabashe kwegukana igikombe cya shampiyona y’icyiciro cya mbere mu Bwongereza mu mwaka w’imikino utaha.

Igikombe cya shampiyona izwi nka English Premier League cyamaze kubona nyiracyo.

Ikipe ya Liverpool yamaze kucyegukana ndetse yizeye ko izarenga ku duhigo twari twarashyizeho na Manchester City harimo ako kugira amanota 100 muri iyi shampiyona ikunzwe na benshi ku isi, mbere yo kwerekeza ku isoko ry’igura n’igurisha ry’abakinnyi ryo mu mpeshyi.

Ikipe ya Liverpool yabuze rutahizamu yifuzaga witwa Timo Werner, umukinnyi werekeje muri Chelsea, ariko iyi kipe bakunze kwita The Kops yizeye ko izabasha gukomeza ikipe ya Jurgen Klopp mbere yo guhatanira kongera kwisubiza igikombe yaherukaga mu myaka 30 ishize.

Muri iyi kipe kandi hagiye havugwa abakinnyi bafite amazina akomeye bagiye bifuzwa n’amakipe y’ibigugu ku mugabane w’u Burayi arimo Real Madrid ndetse na FC Barcelona, ndetse n’abandi bakinnyi ishobora kurekura kugirango batange umwanya ku bakinnyi bashobora kwinjira mu ikipe.

Dore muri rusange amakuru ya transfers agezweho muri Liverpool:

Ibigezweho ku kwerekeza muri Real Madrid kwa Sadio Mane

Ikinyamakuru Daily Mail kivuga ko Real Madrid itazashobora kurekura amafaranga menshi yo kugura umukinnyi w’ikipe ya Liverpool, Sadio Mane, ubwo isoko ry’igura n’igurisha ry’abakinnyi rizaba rifunguye imiryango yaryo muri iyi mpeshyi.

Umutoza Zinedine Zidane ni umukunzi ukomeye w’uyu mukinnyi mpuzamahanga wa Senegal, ndetse yagerageje kumusinyisha mu mpeshyi ishize, ariko kuri iyi nshuro icyorezo cya coronavirus kizaca intege iyi kipe y’igihangange muri Espagne ku isoko ryo muri iyi mpeshyi.

Real irashaka ko uyu mutoza w’Umufaransa yibanda cyane ku kuzamura urwego rw’abakinnyi asanganywe harimo umukinnyi ukomoka mu gihugu cya Brazil witwa Vinicius Junior, umukinnyi winjiye muri Los Blancos aguzwe miliyoni 41 zama pound muri 2018.

Sadio Mane yagize uruhare runini ku gikombe Liverpool yegukanye muri shampiyona y’abongereza muri uyu mwaka w’imikino, aho yatsinze ibitego 15 anatanga imipira irindwi ibyara ibitego nyuma yimikino 28 amaze kuyikinira. Uyu musore w’imyaka 28 y’amavuko afite amasezerano azageza mu 2023 akiri I Anfield.

Ikipe ya Roma ishobora guhatirwa kugurisha Zaniolo wifuzwa na Liverpool

Nk’uko ikinyamakuru Corriere dello Sport kibitangaza ngo kunanirwa kujya mu gikombe cya UEFA Champions League mu mwaka w’imikino utaha bishobora guhatira ikipe ya Roma kugurisha umukinnyi wayo witwa Nicolo Zaniolo.

Bivugwa ko byanze bikunze iyi kipe bakunze kwita Giallorossi itazagaragara muri iri rushanwa rihuza amakipe yabaye ayambere iwayo ku mugabane w’u Burayi, kuko kugeza magingo aya ihagaze ku mwanya wa gatanu, n’amanota amanota 10 irushwa n’ikipe ya Atalanta mu gihe hasigaye imikino 10.

Kutagaragara muri UEFA Champions League bishobora gutuma batandukana na Zaniolo, ndetse inkuru ducyesha ikindi kinyamakuru cyitwa Tuttosport, ivuga ko ikipe ya Liverpool ikomeje kwifuza cyane uyu mukinnyi.

Zaniolo wimyaka 21 y’amavuko ukina imbere yatsinze ibitego bine mumikino 18 yakiniye Roma muri uyu mwaka w’imikino.

Liverpool ikomeje gukurikirana Cakir

Ikipe ya Liverpool yagaragaye mu irushanwa ryo gusinyisha umunyezamu wa Trabzonspor uzwi cyane Ugurcan Cakir, nk’uko bivugwa na Milliyet ibinyujije kuri Sport Witness.

Uyu musore wimyaka 24 y’amavuko, wagaragaye cyane muri shampiyona y’icyiciro cya mbere muri Turukiya muri uyu mwaka w’imikino, yananyuze cyane amakipe akomeye mu bwongereza arimo Leicester City, Tottenham Hotspur na Chelsea.

Kuri ubu Klopp afite abasore nka Alisson, Adrian na Caoimhin Kelleher ashobora kwifashisha mu izamu rye mu gihe intizanyo ya Loris Karius i Besiktas iherutse kurangira. Hari ibyifuzo ko Liverpool ishobora gutiza Cakir mu myaka ibiri nyuma yo kumugura.

Salah yiyemeje kuguma muri Liverpool igihe kirekire

Mohamed Salah avuga ko yizeye kuguma muri Liverpool “igihe kirekire” nyuma yo gufasha iyi kipe kwegukana igikombe cya mbere cya shampiyona mu myaka 30, ndetse atekereza ko iyi kipe ishobora kugera ku” bindi bintu bikomeye”.

Salah yagize uruhare runini kuva yagera muri iyi kipe avuye muri Roma mu 2017, yatsinze ibitego 71 mumikino 101 ya shampiyona. Kandi uyu Munyamisiri yavuze ko yiteguye kumara igihe kirekire muri iyi kipe yo mu mujyi wa Liverpool.

Salah yabwiye beIN SPORTS ati:”Ndanezerewe cyane… Sinshobora gusobanura ibyiyumvo byanjye nyuma yo gutwara shampiyona nyuma yimyaka 30. Nshobora kubona umunezero w’abantu kandi ibi ni ngombwa kuri twese. Nishimiye ikirere cya hano … Nkunda aha hantu kandi nizera ko nzahaguma igihe kirekire”.

Salah w’imyaka 28 y’amavuko ni we mukinnyi watsindiye Liverpool ibitego byinshi muri uyu mwaka w’imikino. Uyu mukinnyi amaze gutsinda ibitego 92 mu mikino 145 amaze gukina kuva yagera muri Liverpool, harimo ibitego 21 yatsinze mu mikino 41 muri uyu mwaka w’imikino.

Mu kwezi kwa karindwi mu mwaka wa 2018, yashyize umukono ku masezerano mashya y’imyaka itanu, ariko rimwe na rimwe byagiye bivugwa ko ashobora kuva muri Liverpool akaba yajya mu yindi kipe imuhemba menshi kurushaho.

Liverpool, yamaze kwegukana igikombe mu cyumweru gishize, irusha Manchester City iyikurikiye amanota 23, mu gihe isigaje gukina imikino irindwi. Biranashoboka ko ishobora guca umuhigo w’amanota menshi muri shampiyona ya Premier League, usanzwe ufitwe na Manchester City bazakina ejo ku wa kane.

Salah yongeyeho ati:”Twamenyeranye neza nk’ikipe kandi turumvikana neza. Niba ibi bikomeje, dushobora kugera ku bindi bintu bikomeye. Biragoye kuguma ku rwego rwacu rw’ubu rw’imikinire, ariko ibyo ntibivuze ko bidashoboka”.

Akira Website yawe uyu munsi guhera ku mafaranga 80k (Web design)

Turakubakira website iri mubwoko bukuri Kira:

iyu rusengero ndetse na NGO.

Ubucuruzi (Kwamamarizaho ibyo ukora)

Ikinyamakuru nkugire n’inama y’uburyo online Blogs zungukamo.

NB: Harimo na domain name muri ariya mafaranga. Kora share wowe ubishaka nuzana umukiriya ndaguha commission. Mpamagara kuri 0788920788

Kwizera Yamini

About Kwizera Yamini

Kwizera Yamini is a talented Journalist at fiesta250.com, in sports, entertainment and many other fields. He started his career as an author in 2016. Do you have any update? contact him via yamini@fiesta250.com or kwizerayamini@gmail.com

View all posts by Kwizera Yamini →

Leave a Reply

Your email address will not be published. Required fields are marked *